Bí ìdìbò ọdún 2023 tí ń sún mọ́le, onírúurú àwọn olóṣèlú àti àwọn tí kò ní ìkólèkàn ará ìlú lọ́kàn ni wọ́n ti ń fi ìfẹ́ hàn sí oríṣiríṣi ipò nínú òṣèlú.

Ó jẹ́ ohun tí ó bani nínú jẹ́ púpọ̀ láti rí pé òṣèlú “tẹni bàjẹ́ kò kàn mí” ni òṣèlú tí ó dórí igbá. Èyí sì ti fi àyè gba àwọn kọ̀lọ̀rànsí ẹ̀dá àti àwọn aláìní kan ṣe láti di oríṣiríṣi ipò mú tí wọn sì ti fẹ́ sọọ́ di oyè ájẹwọ̀.

Ọmọ wa ni, ẹ jẹ́ kó ṣeé tí yí dánde ọ̀pọ̀lọpọ̀ àwọn ẹni a gbójú okùn lé wọn kò jẹni agba. Kódà òwe Yorùbá tó ní ọmọ àlè èèyàn ní kọ̀dí síta máa tọ̀ sí ilé ṣùgbọ́n ọ̀pọ̀ aláìní ìtìjú ló wá pọ̀ báyìí nínú àwọn táa pè lọ́mọ bẹ́ẹ̀ kìí sì ṣe pé aráàlú dákẹ.

Peoplesconscience.com tí kọ̀wé láì mòye ìgbà lórí Dókítà Anthony Adebayo Adepoju àti ìwà ànìkànjopón rè pàápàá jù lọ lórí ọ̀rọ̀ ìdàgbàsókè agbègbè rè ní Ìbàràpá.

Lọ́wọ́ báyìí, Dókítà Anthony Adebayo Adepoju ni alága àjọ tó ń rí sì ọ̀rọ̀ omi ẹ̀rọ ní Ìpínlẹ̀ Ọ̀yọ́, ó sì tún jẹ́ bàbà ìsàlè fún àwọn aláàbọ̀ ẹ̀kọ́ tó di ipò ńlá ńlá mú ní ìjọba ibile Ìbàràpá mẹ́tẹ̀ẹ̀ta.

Àwọn ènìyàn Ìbàràpá tí jẹ oríṣiríṣi ìyá tí kò ṣé fẹnu ròyìn tán lọ́wọ́ àwọn ìka ẹ̀dá wọ̀nyí. Àbí báwo là tún ṣe fe ṣàpèjúwe àgbègbè tí kò tíì fojú bá ìdàgbàsókè kankan tàbí tọ́ka sí òun àmúyẹ kankan fún àìmọye ọdún. Bí ìjọba kan ṣé ń lọ ní òmíràn ń de síbẹ̀ orin kan náà ni gbogbo wọn ń kọ .

Ẹbí tani wàá ni bí ó ṣe àwọn jegúdú jerá olóṣèlú tí ó wà ní àwọn àgbègbè wọ̀nyí.

Láfikún “Ìbàràpákan” nínú òṣèlú Ìbàràpá wáyé ní ìdìbò ilé ìgbìmò asòfin kékeré ni ọdún 2019.

Anthony tí kópa nínú ìbò lábé Asia Zenith Labour Party (ZLP), kété lẹ́yìn tí ó bá ìjákulẹ̀ pàdé nínú ìbò èyí tí ó bọ́ si ọwọ́ Hon. Saubana Ajibola Muraina tí ẹgbẹ́ òṣèlú Peoples Democratic Party (PDP), lẹ́yìn èyí ní Ìbàràpákan ṣe ìkéde pé òun ti darapo mo ẹgbẹ́ òṣèlú PDP ni ọjọ́ kẹẹ̀ẹ́dógùn oṣù kẹta ọdún 2020. (March 15, 2020).

Gẹ́gẹ́ bí ó ṣe sọ, gbogbo ọmọ ẹgbẹ́ pátápátá àti àwọn adarí wọn ní gbogbo ìjọba ìbílẹ̀ àti agbègbè ni wọ́n ti fẹnu kò láti darapo mọ́ ẹgbẹ́ PDP tí ó wà lórí àlééfà. Lẹ́yìn ọ̀pọ̀lọpọ̀ ìwádìí tí àwọn tí se lórí ìjọba Seyi Makinde ẹniti o je Gómìnà Ìpínlẹ̀ Ọ̀yọ́ tí ó sì ṣe iṣẹ́ takun-takun láàrin oṣù mẹ́wàá tí ó dé orí ipò.

“Ìpínlẹ̀ Oyo tí dára jù bí ó ṣe wá losu mewaa seyin lọ nísinsìnyí, àti ṣe tán láti fọwọ́ sowọ́ pò pelu ègbé PDP láti mú kí ìjọba awarawa túbọ̀ rọrùn sì fún gbogbo àwọn ènìyàn wá”. Díẹ̀ lára ìwé tí ó kó nìyí lọ́jọ́ tí ó dára pò mó egbe oselu PDP ní ọjọ́ keedogun oṣù kẹta ọdún 2020.

Lẹ́yìn bí oṣù kan tí ó darapọ̀ mọ́ ẹgbẹ́ PDP ni ìròyìn kàn wípé Ìbàràpákan yóò di alága àjọ tí ó ń rí sí ọ̀rọ̀ omi ẹ̀rọ ni ipile Ọ̀yọ́ ní ọjọ́ ajé, ogún jọ oṣù kẹrin ọdún 2020. ( April 20, 2020), láti ọwọ́ Gómìnà Seyi Makinde. Ìròyìn yíyàn sì ipò yí mú ínu àwọn ará ibarapa dùn gidi nítorí, wọn gbà pé, yiyan tí a yàn Ìbàràpákan kan si ipò yìí yóò mú kí ọ̀rọ̀ àìsí omi ẹ̀rọ di ohun ìgbàgbé ni àwọn ìlú Ìbàràpá lai mọ̀ pe òtúbánté nì.

Ní ìgbà kan ni odun 2020, Ìbàràpákan sọ wípé “ìjọba tí buwọ́ lú owó tí ó tó ọgọrun milionu náírà (100 million) láti yanjú ìpèníjà àìní omi ni àwon ìlú Ìbàràpá, owó náà tí wọnú ètò fún ọdún 2021,” a kú oriire ni Ìbàràpá “.

Nígbà tí Ìbéèrè wáyé lórí ọgọrun milionu yí kan náà ni ìpàdé ojúkojú tí àwọn ọ̀dọ̀ Ìbàràpá ṣe ni oṣù Kejo ọdún tó kọjá tí wón sì pe Ìbàràpákan kí ó wá jíhìn ìṣe ìríjú ẹ. Ṣùgbọ́n àwáwí oríṣiríṣi ni ó ń ṣe nínú ìpàdé náà.

Ìbéèrè ti o momi lọ́kàn àwọn ènìyàn ní: “nibo ni ọgọrun milionu tí Ìbàràpákan ni ìjọba tí buwọ́ lù láti gbà jáde ní ọdún 2021 wá?

Ǹjẹ́ èyí kò túmọ̀ sí pé ńṣe ni ó gbà owó náà tí ó sì ṣeé mọ́kun mọ̀kun?

Lẹ́yìn ọdún méjì sí, oro omi ẹ̀rọ ni ipilẹ Ọ̀yọ́ dàbí àlá tí kò lè ṣẹ ní Ìbàràpá.

Onírúurú Ìbéèrè ti àwọn ènìyàn sì ń bèèrè lórí oro omi tó wọn gogo bí ìmí eégún yí lọ ṣokùnfà bíbinu tí Honerebu Anthony Adebayo Adepoju ṣe bínú jáde ní orí gbongan Ibarapa Youth Summit WhatsApp pẹ̀lú àwọn ẹmẹ̀wà rè. Àwọn tí ó bínú jáde ní ojó náà ni Hon Peter Ojedokun ẹni tí ó jé ọkàn lára àwọn ọmọ ilé ìgbìmò asòfin fún ìjọba àrin gbùngbùn àti Àríwá Ìbàràpá. Hon Seun Fakorede ẹni tí ó jẹ Komisona fún àwọn ọ̀dó àti ère ìdárayá àti àwọn ogunlogo miran.

Lẹ́yìn tí Ìbàràpákan tí mo àpadé àti àlúdé òṣèlú agbegbe rẹ látàrí ajosepo rẹ pẹlu onimo èrò Seyi Makinde, Ìbàràpákan kò fi àkókò ṣòfò rárá láti kó àwọn dèdèwùrè àti àwọn aláìmòkan òdó sọ̀dí nítorí kò fẹ́ ẹni tí ó lè jẹ bí alátakò fún. Ló bá bẹ̀rẹ̀ sí ní gbà tikeeti fún wọn láti di ipò pàtàkì mú ní inú ìdìbò ìjọba ìbílẹ̀.

Ní ọjọ́ tí òní, gbogbo àwọn alága ìjọba ìbílè meteeta àti ọgbọ́n kanselo tí ó wà lábé wọn ní wón jẹ́ aláàbọ̀ ẹ̀kọ́.

Gbogbo wa là rí ìwọ́de ìtìjú àti ìṣonu ni apa ariwa ìjọba ìbílè Ìbàràpá tí àwọn kánselo ṣe tí wọn wípé àwọn se afisun àwọn ìṣòro tó dojú kọ won fun Ìbàràpákan síbè tí kò gbé ìgbé ṣe kánkán lórí ẹ. Àwọn aláìmòkan èèyàn wonyi ni Ibarapakan gbé àkóso Ìbàràpá lé lówó, awon èèyàn yìí, ní yo ó sì lè ríi dájú pé òun ṣe oun kohun láti lọ láti fi mú erongba rè fún ìdíbo ọdún 2023 ṣe.

Ní gbogbo ọ̀nà ni Ìbàràpákan fi jẹbi èsùn tí ó fi kan Hon Muraina Ajibola. Lọ́jọ́ tí òní, nise ni Muraina dabi áńgẹ́lì bí a bá gbé àwọn méjèèjì sórí osunwon.

Lai dènà pẹnu, ká nipe Ìbàràpákan ni erongba gidi fún agbegbe ẹ èyí, tí ó fé je asójú e báyìí ni, yóò ti wá àwọn onílàákàyè ènìyàn fi sí orí aleefa dípò àwọn akí dani dání ẹ̀dá àti àwọn ọmọ ìta tí ó ń dá àlàáfíà agbegbe yí ru lọ.

Ó jé òun ti o báni nínú je gidi pé ọ̀rọ̀ òṣèlú agbegbe yí tí wàá di ọ̀rọ̀ àwàdà tí wọn fi ń mutí báyìí.

Ìbàràpákan kò bá dabi Mèsáyà ni ti ó bá jẹ nise ni ó lọ ipò rẹ àti ajosepo tí ó wà láàrin òun àti Gómìnà ìpílẹ̀ náà fún ìdàgbàsókè àgbègbè rẹ ni.

Lótìítọ́, Mèsáyà ni Ìbàràpákan jẹ́ fún àwọn ọ̀jẹ̀lú àti àwọn oníjekújẹ tí wọn ń wá ipò ni gbogbo ọ̀nà.

Ilẹ̀ Ìbàràpá tí wá rẹ̀bù ẹ̀yìn pátápátá lábé ìwà bàbá ìsàlẹ̀ tí Ìbàràpákan ń hù.

Ọkàn nínú àwọn òṣìṣẹ́ ìwé ìròyìn yí ni àwọn jàǹdùkú dá lọ́nà ni osu Kẹ̀wá ọdún tó kọjá yìí láti owó Ogbeni Adebayo Adepoju tí ó ní kí àwọn jàǹdùkú gbé oniroyin wa kí wọn dùn kooko mọ tí wọn sì tú èrò ìbánisòrọ̀ rẹ yewo. Gbogbo ìròyìn yí ni ó tẹ́ wá lọ́wọ́.

Lákòótán, atejade yí kìí se ògúlúútu tí a sọ mo Dókítà Anthony Adebayo Adepoju ṣùgbọ́n, ó yẹ kí àwọn ènìyàn Ìbàràpá mọ erongba Ìbàràpákan fún òṣèlú èyí tíì ṣe láti kó àwọn jàǹdùkú èyí tí yóò lè máa dárí jọ sórí oyè nígbà tí ìdàgbàsókè ìlú ń rẹyìn.

Isọwọ́ ṣe òṣèlú Ìbàràpákan kò lè sọ èso rere rárá bẹẹni afẹ́fẹ́ àlàáfíà kò le fẹ́ sí ìlú bí kò bá pe Àró àti Ọ̀dọ̀fin inú rẹ kì ó tún èrò ara rẹ̀ pá. Kí ó sì gbárùkù ti àwọn onímọ̀ ènìyàn tí ó nífẹ̀ẹ́ ará ìlú láti de orí ipò ìjọba.

Peoples Conscience, èrò wa ni wípé a kìí lẹ́ni ní mọsàn ká mú kíkan, bí wọn bá sì ń pè ènìyàn ní abìfun ràdàràdà ó yẹ kó pa ìfun ọ̀hún mọ́ díẹ̀.